सरकारले पोखराबाट काठमाडौं आउँदै गरेको यात्रुवाहक बस धादिङमा भएको दुर्घटनाको बिषयमा छानबिन गर्न समिति बनाउने भएको छ ।
बिज्ञापन
हिजो राती पोखरबाबाट छुटेको ग २ ख १४२१ नम्बरको बस बेनिघाट रोराङ गाउँपालिका ५ भैसीगौडामा अनियन्त्रित भई करिब २०० मिटर तल त्रिशुली नदी किनारमा खस्दा १९ जनाको र मृत्यु भएको थियो भने बाँकी २२ जना घाइते अवस्थामा छन् ।
बिज्ञापन
जसमध्ये केहीको कलंकीस्थित नेशनल अस्पतालमा एक महिलासिहत १० जना र बाँकीको ट्रमा सेन्टरमा उपचार भइरहेको प्रहरीले जनाएको छ ।
सोही बिषयमा छानबिन गर्न समिति बनाइने भएको हो । सो घटनाबारे छलफल गर्न सोमबार बिहान गृह मन्त्रालयमा गृहमन्त्री ओमप्रकाश अर्याल, गृहसचिव, भौतिक पूर्वाधार सचिव, सडक विभागका महानिर्देशक, यातायात व्यवसायी तथा सुरक्षा निकायका प्रमुखहरूको उपस्थिति आकस्मिक बैठक बसेको थियो ।
बिज्ञापन
यद्यपि कस्को नेतृत्वमा छानबिन समिति बनाउने भन्ने बिषयमा निष्कर्ष निस्किएको छैन ।
